InicioSociedadePolicía Local e Nacional patrullan o centro de Lugo tras o aumento...

Policía Local e Nacional patrullan o centro de Lugo tras o aumento de altercados públicos

A Asociación Lugo Monumental pide máis patrullas a pé e di que o aumento dos altercados non só é algo do centro.

PUBLICADA O

- Advertisement -

A Policía Local aumentou a súa presenza nas rúas do centro con patrullas a pé diarias, para cumprir así unha “función disuasoria” tras diversos incidentes rexistrados na zona vella da cidade. Así, este corpo municipal actuará coordinadamente coa Policía Nacional para evitar altercados. Segundo informaron fontes do Concello de Lugo, ademais mantense unha “estreita colaboración coa Policía Nacional para traballar conxuntamente en todas as actuacións en que se solicite a súa axuda”.

Tamén aclararon que o ocorrido o sábado en Campo Castelo, unha agresión e roubo a un menor, é “competencia da Policía Nacional“, cunha resposta “inmediata” na detención de catro mozos que agrediron a un menor de idade e que logo tiraron distintos obxectos desde un piso ocupado nesta zona.

“Os dous corpos traballan de forma coordinada tanto institucionalmente como entre os efectivos”, subliñaron por parte do Concello de Lugo.

Mentres, a Asociación Lugo Monumental que preside Luís Latorre, emprazou a que “a policía patrulle andando”, que haxa máis “patrullas na rúa” polo centro da cidade. “Vemos moitos coches de policía, ultimamente vemos máis e tamén vemos que aumentou a vixilancia pero botamos de menos máis patrullas a pé”, afirmou.

Latorre recoñeceu que “hai situacións preocupantes“, que se dan na zona vella da cidade amurallada e alude ao ocorrido en Campo Castelo que foi “moi notorio”.

Con todo, destacou que estas situacións “se dan en toda a cidade, non só pasa no centro histórico”. “E tampouco queremos dar a imaxe que o centro é un barrio marxinal“, indicou, para que non se “criminalice” o centro por estes casos. “Hai problemas puntuais como hai noutras zonas da cidade, non é só o centro histórico. Hai problemas por todas partes”, concluíu Latorre.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...