InicioLugo e contornaLugoCondenado a 9 anos e 9 meses de cárcere un home que...

Condenado a 9 anos e 9 meses de cárcere un home que abusou dos seus dous fillos en Lugo

Comezou a abusar deles cando se divorciou da nai. Tamén mallaba no rapaz.

PUBLICADA O

- Advertisement -

Un home foi condenado a nove anos e nove meses de cárcere por abusar sexualmente dos seus dous fillos, un neno e unha nena, tras divorciarse da nai; así como por maltratar ao menor, ao que lle pegaba “patadas e labazadas” desde a infancia.

Nunha sentenza con data de do 27 de xullo despois do xuízo celebrado a principios de mes, a Audiencia Provincial de Lugo considera probado que en 2018 o home aproveitou que a súa filla durmía con el para baixarlle a roupa interior e tocarlle as súas partes íntimas.

Ademais, segundo o fallo, noutra ocasión, cando durmía co menor, “tocoulle o cu en reiteradas ocasións, apartando para iso a roupa que este levaba posta”.

O tribunal, ademais, considera probado que, as múltiples ocasións, propinoulle “labazadas e patadas” ao menor, mesmo “cando estaba no chan”. Unha situación que lle produciu ao neno unha afectación emocional respecto do acusado, así como unha alteración de conduta.

A Audiencia Provincial considera que estes feitos son constitutivos dun delito de malos tratos habituais, polo que lle impón unha pena dun ano e nove meses; así como de dous delitos de abusos sexuais a menores, polos que se lle condena a catro anos e un día de cárcere por cada un deles.

Ademais, o home deberá indemnizar a cada un dos seus fillos con 2.000 euros en concepto de danos morais.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...