Un novo descenso no total de casos activos deixa a área sanitaria de Lugo con 17 positivos, un menos ca onte, xornada na que se rexistraba un lixeiro aumento tanto na provincia como na comunidade galega.

Do total de pacientes, só un permanece ingresado no HULA, mentres que o resto son atendidos nas súas casas.

Ademais, a día de hoxe, as residencias lucenses non rexistran ningún caso de coronavirus nin entre os usuarios nin entre os traballadores, tal como confirma Política Social.

GALICIA

Segundo datos da Consellería de Sanidade, tamén se produciu unha caída de casos activos no conxunto de Galicia, que pasou dos 343 do xoves aos 341 deste venres 19 de xuño. Seis persoas seguen hospitalizadas, pero as UCI continúan libres de enfermos de COVID-19.