InicioSociedadeUnha muller corría espida por Lugo a raíz de doenzas psíquicas agravadas...

Unha muller corría espida por Lugo a raíz de doenzas psíquicas agravadas polo confinamento

A Policía Local auxiliouna e facilitoulle abrigo antes de ser trasladada ao servizo de Urxencias do HULA.

PUBLICADA O

- Advertisement -

Axentes da Policía Local de Lugo auxiliaron unha muller que na mañá deste martes corría espida pola cidade. Un familiar explicou que se atopa a tratamento psiquiátrico e que se desestabilizara “moito debido ao confinamento” motivado polo estado de alarma.

Así o informou a Policía Local, que indicou que foron axentes da Unidade de Atestados os que prestaron auxilio á muller que deambulaba espida pola Rolda das Fontiñas cara á Avenida de Madrid.

Ao observar a presenza policial, a muller “iniciou unha fuxida á carreira“, polo carril Entrerrúas pero foi alcanzada posteriormente polos axentes. Aínda que nun primeiro momento se “mostrou reticente á actuación policial”, axiña colaborou.

Acougárona e cubrírona cunha manta térmica no vehículo policial mentres a muller lles contaba que “ía na procura do seu amor”, que “era amiga de Deus” e que “era libre”. Estas declaracións e o episodio en si débense, segundo un familiar que acudiu ao lugar, á desestabilización que sufriu a muller por mor do confinamento.

Ata alí tamén se achegou unha dotación do Corpo Nacional de Policía cunha compoñente feminina, á que solicitou colaboración a Policía Local para que fose dita axente a que realizase o acompañamento da muller durante o seu traslado ao servizo de Urxencias do Hospital Universitario Lucus Augusti (HULA) de Lugo.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...