Lugo comeza xuño con 40 casos activos por coronavirus

A área sanitaria mantén a súa tendencia á baixa ao restar un positivo. En Galicia, só dúas persoas permanecen na UCI por COVID-19.

Interior do HULA, centro hospitalario onde foi ingresado o bebé intoxicado por haxix | Grupo San José
Interior do Hospital Universitario Lucus Augusti (HULA) | Grupo San José

A área sanitaria de Lugo mantén a tendencia á baixa nos casos activos por coronavirus. Os datos oficiais para hoxe, luns 1 de xuño, confirman 40 positivos na provincia, un menos ca no día de onte. Deles, só dous permanecen ingresados.

En concreto, hai un paciente na Unidade de Coidados Intensivos do HULA e outro que está hospitalizado en planta no mesmo centro. Os 38 casos restantes están a ser atendidos nos seus domicilios.

Non se rexistraron novas mortes dende hai case un mes e as altas documentadas ascenden ata as 881 na área lucense.

GALICIA

Para o conxunto galega, a Consellería de Sanidade informa de 722 casos (-10). Só dous permanecen na Uci, 32 están en unidades de hospitalización e 688 no domicilio. Polo de agora, en Galicia hai un total de 9.970 persoas curadas e producíronse 616 falecementos. O número de PCR realizadas é de 143.580.

DEIXAR UN COMENTARIO

Please enter your comment!
Please enter your name here