InicioSociedadeA Catedral de Lugo reabre as súas portas con misas reducidas e...

A Catedral de Lugo reabre as súas portas con misas reducidas e coa prohibición de dar a paz

Tamén abrirá as súas portas o cemiterio municipal, onde as visitas deberán estar reguladas.

PUBLICADA O

- Advertisement -

A catedral da cidade das murallas e o cemiterio municipal reabrirán as súas portas ao público a partir deste luns, cando a provincia e o resto de Galicia entran na fase 1 da desescalada.

Desta maneira, desde o luns retomaranse as misas con capacidade limitada, ás que os fieis poderán acudir con máscara e onde a celebración virá marcada pola prohibición de dar a paz ou a ausencia da cesta da colecta, entre outras medidas.

O horario das eucaristías na catedral será ás 10:00 e ás 12:00 horas. A partir do día 17 tamén haberá misa ás 19:00 horas, segundo explicou a diocese luguesa nun comunicado. Nel tamén precisa que a entrada e saída realizarase pola porta principal (praza Pío XII).

A igrexa pediu a todos os fieis que “respecten as normas de prevención e hixiene establecidas”, que usen máscara dentro do lugar de culto e que respecten a medida marcada polo Goberno respecto da ocupación do local (un 50% do total). Ademais, rogan a toda a poboación de risco que se absteñan de ir á igrexa, incluídos os sacerdotes incluídos neste grupo. Na entrada haberá xel desinfectante e a pila de auga bendita seguirá baleira.

Por outra banda, durante as misas mantense a prohibición de dar a paz, non se pasará a cesta da colecta nin se distribuirán follas de canto. No que respecta ao acto de comuñón, non se interactuará co cura antes de recibir o ‘corpo de Cristo’ e isto substituirase por unha oración colectiva antes de comezar a Eucaristía.

CEMITERIO MUNICIPAL

En Lugo tamén reabrirá o cemiterio municipal, segundo explicaron membros do goberno local. Están a preparar un “protocolo de seguridade nas visitas para reducir ao máximo as posibilidades de contaxios”. Porase a disposición dos asistentes luvas e xel hidroalcohólico, que serán de uso obrigatorio, e haberá que pedir cita previa no 982 297 303.

O Concello estableceu que só poderá haber 50 persoas por hora e dúas por cada unidade de enterramento. As visitas produciranse entre as 16:00 e as 19:00 horas. Non se permitirá o uso de bancos e haberá que respectar a distancia social de dous metros. Os enterros, pola súa banda, realizaranse polas mañás entre as 09:00 e as 14:00 horas e estarán limitados a 15 persoas.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...