EFE | Unha gran tormenta azoutou a pasada madrugada a zona da Montaña de Lugo, onde chegaron a caer máis de 150 raios en poucas horas, segundo información de Meteogalicia.

Esa tormenta, que tamén se deixou sentir noutros puntos da provincia de Lugo, como Sarria, afectou de forma especial ás zonas do Courel, A Fonsagrada e Os Ancares lucenses.

No municipio de Cervantes caeron 16 raios e no de Pedrafita do Cebreiro foron rexistrados outros 14. Noutros concellos da comarca, como Becerreá ou Navia de Suarna, a tormenta tivo menor incidencia, con 6 e 8 raios rexistrados.  A tormenta tamén se deixou sentir en Lugo capital.