- Advertisement -
Xa son o 244 os casos de contaxio por COVID-19 na provincia de Lugo, 25 máis que no sábado, no que se contabilizaron 219 casos.
Tamén aumentaron os casos en hospitalización. Son xa 55 os pacientes, 12 máis que este sábado. Deles, dez están no Hospital Público da Mariña, sete no Hospital Púlbico de Monforte, un no Hospital Virxe dos Ollos Grandes e o resto no HULA.
A única boa noticia do día é que baixaron os ingresos na UCI. Das persoas infectadas, nove están en coidados intensivos, un caso menos que o sábado. Deles tres están no Hospital Público de A Mariña e os outros seis na do HULA.
