- Advertisement -
A cervense Nati Fernández leva preto dunha semana, desde que se decretou o estado de alarma por mor do coronavirus, fabricando máscaras de xeito altruísta para abastecer a profesionais que teñan traballo de cara ao público, como persoal sanitario ou de seguridade.
Nati comezou a coser con tea de algodón da súa propiedade, pero agora dispón de material especial cedido por Alcoa para fabricar as máscaras, logo distribuídas polos Servizos Sociais do Concello de Cervo.
“Hoxe comecei no taller ás 9:30 horas e probablemente acabarei ás 21:00 horas. Pero vou comer á casa, eh?”, sorrí, aínda que nos días de maior demanda o traballo é distinto. “Seguín na casa e cheguei a facelas ata as dúas da mañá”.
Podes ler a información completa no Xornal da Mariña.
