InicioSociedadeO Supremo desestima a suspensión cautelar da sanción á xuíza Pilar de...

O Supremo desestima a suspensión cautelar da sanción á xuíza Pilar de Lara

O auto indica que nada impide que unha hipotética sentencia favorable lle permita volver ao xulgado de Lugo.

PUBLICADA O

- Advertisement -

A Sala III do Tribunal Supremo acordou desestimar a suspensión cautelar que pedira a xuíza Pilar de Lara respecto da sanción imposta  polo Consello Xeral do Poder Xudicial. 

O expediente do CXPX implicaba sete meses e un día de suspensión de funcións por unha falta moi grave de desatención nas causas que instrúe, algo que está previsto no artigo 417.9 da Lei Orgánica do Poder Xudicial. Suporía, ademais, a perda de destino.

A Sala contesta que, “ante os feitos declarados probados en vía administrativa e que determinaron a imposición da sanción, a ponderación de intereses debe inclinarse en favor do interese xeral do bo funcionamento da administración de xustiza, que require que se cumpran as sancións impostas por condutas gravemente contrarias ao mesmo, sen prexuízo do que se resolva en sentenza”.

Respecto aos supostos prexuízos derivados da perda de destino, o auto xudicial destaca que nada impide que unha hipotética sentenza favorable lle permita volver ao xulgado no que agora desenvolve as súas funcións. “Non hai por tanto perda de finalidade do recurso nin en canto á praza que ocupa nin en canto ás restantes consecuencias económicas ou profesionais”, conclúe.

DISPOSTA A CHEGAR A ESTRASBURGO

A defensa de De Lara, o avogado Agustín Azparren, xa avanzara que estaban dispostos a recorrer a sanción no Tribunal Constitucional e no Tribunal Europeo de Dereitos Humanos se o Supremo desestimaba a suspensión cautelar, algo que finalmente ocorreu.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...