O vicepresidente da Deputación, Efrén Castro, xunto con Salva Arco, director xeral do CB Breogán, Rubén Engroba, da Asociación Xuvenil Sagrado Corazón, e outras autoridades; presentaron o torneo Lugo É Basket, que celebrará a súa X edición o vindeiro mércores día 9, ás 20.30 horas no Pazo Provincial dos Deportes.
O partido enfrontará o CB Breogán co Boca Juniors arxentino, equipo que se proclamou esta tempada campión da BCL Américas, o que lle dá dereito a participar na Copa Intercontinental FIBA 2026 que se disputará do 22 ao 27 de setembro en China.
O Vicepresidente destacou a “oportunidade para o breoganismo de ver un equipo como o Boca Juniors, con gran palmarés e traxectoria, e tamén para o equipo que se medirá a un dos grandes do baloncesto mundial”.
Entradas e streaming
As entradas para o partido xa están á venta na plataforma entradas.lugoebasket.es e tamén estarán dispoñibles o día do encontro na billeteira. Ademais, o partido poderá seguirse a través do apartado de retransmisións da web do Breogán.
