InicioSociedadeLugo mantense como a área menos afectada pola covid só por detrás...

Lugo mantense como a área menos afectada pola covid só por detrás de Ferrol

A provincia rexistra 168 contaxios, un menos que na xornada anterior.

PUBLICADA O

- Advertisement -

Os novos contaxios de Covid-19 en Galicia repuntaron a 183, que supoñen 55 máis que a xornada anterior, mentres que os casos activos descenderon a 2.701, que implican 43 menos. Pola súa banda, os pacientes ingresados por este coronavirus descenderon lixeiramente a 160, dous menos.

Segundo os datos actualizados na mañá deste xoves pola Consellería de Sanidade con rexistros ata as 18,00 horas deste mércores, descenden a 32 os pacientes Covid en UCI, seis menos; e ascenden a 128 os que se atopan noutras unidades, catro máis. Por áreas sanitarias, a presión hospitalaria redúcese en tres das sete, entre elas a de Lugo, na que baixan a oito os doutras unidades –un menos– e prosegue un en Unidade de Coidados Intesivos.

MENOS CASOS ACTIVOS

Os casos activos manteñen por segunda xornada consecutiva a tendencia descendente e redúcense a 2.701, que supoñen 43 menos que a xornada anterior, ao haber máis altas (226) que contaxios (183). Na de Lugo descenden en un ata 168, só por diante de Ferrol, que prosegue á cola con 88.

REPUNTAN OS CONTAXIOS

Con respecto aos contaxios de Covid-19 detectados no conxunto de Galicia mediante calquera tipo de proba, repuntaron a 183, tras iniciarse esta semana con 107; subir a 116 o martes e a 128 o mércores. Deles, 167 foron positivos confirmados por PCR nas últimas 24 horas –59 máis que a xornada anterior–, deles 84 na área de Vigo; 25 na de Pontevedra e O Salnés; 21 na da Coruña e Cee; 16 na de Santiago e Barbanza; 14 na de Ourense; 11 na de Lugo; e seis na de Ferrol.

Pola súa banda, a taxa de positividade –porcentaxe de infeccións por test PCR realizados– mantense nun 3% –en concreto nun 3,18%— tras subir ao 3,4% a xornada anterior despois de manterse por baixo do 2% no inicio desta semana. Por iso, continúa por baixo do 5% que a Organización Mundial da Saúde (OMS) fixa para dar por controlada a pandemia. A última vez que Galicia excedeu esta barreira foi o 15 de febreiro.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...