InicioSen categorizarAprobadas subvencións por un millón de euros para o tecido asociativo da...

Aprobadas subvencións por un millón de euros para o tecido asociativo da cidade

Nesa sesión plenaria quedou aprobado o Plan Estratéxico de Concesión de Subvencións do Concello de Lugo para este ano, así como outorgar axudas nominativas a diversos colectivos lucenses.

PUBLICADA O

O pleno do Concello de Lugo aprobou, nunha sesión extraordinaria que se celebrou esta mesma tarde, a concesión de subvencións para o tecido asociativo da cidade por un importe que supera o millón de euros.
Nesa sesión plenaria quedou aprobado o Plan Estratéxico de Concesión de Subvencións do Concello de Lugo para este ano, así como outorgar axudas nominativas a diversos colectivos lucenses por un importe de 1.165.717 euros.
En concreto, o Concello de Lugo destina 631.500 euros a entidades deportivas, 109.900 euros a colectivos culturais, 32.362 euros a organizacións vinculadas á muller, 253.957 euros a servizos sociais; 105.000 euros a medio ambiente e 33.000 euros a participación cidadá.
APP
O Concello de Lugo presentou unha nova aplicación para dispositivos móbiles (APP) sobre as dez portas da Muralla romana, monumento declarado Patrimonio da Humanidade, que lles permitirá aos usuarios coñecer máis e mellor a historia de cada unha delas, en particular, e do monumento bimilenario, en xeral.
Segundo informou o goberno local, esta iniciativa, que leva por nome ‘aumentar Lugo’, permitirá aos usuarios “coñecer a cidade e a historia a través de realidade aumentada, con guías turísticos virtuais”.
Está dispoñible tanto para Android como para o sistema operativo iOS e está publicitada para a súa descarga, precisamente, nos sinais de cada unha das portas da Muralla, que dan acceso ao centro histórico da cidade. A concelleira de Cultura, Turismo, Xuventude e Promoción da Lingua, Carmen Basadre, acompañada polo arqueólogo municipal, Enrique González, comprobaron hoxe o funcionamento da nova aplicación en Pórtaa Miñá e a Porta Falsa.
Ademais, o Concello de Lugo acaba de editar novo material de difusión e información turística sobre a rede de museos municipal, as xanelas arqueolóxicas da cidade, a Catedral e O Cárcere Vello, en galego, castelán, inglés, francés e alemán.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...