InicioPolíticaCiudadanos pecha a porta a Martínez: "Comportamentos coma o seu nunca terían...

Ciudadanos pecha a porta a Martínez: “Comportamentos coma o seu nunca terían cabida” no partido

A voceira do partido laranxa nega contactos co deputado Manuel Martínez, e asegura que nunca tería cabida na formación porque "no ADN de Ciudadanos está acabar co clientelismo e as prácticas corruptas propias da vella política"

PUBLICADA O

- Advertisement -

Horas despois de que Manuel Martínez recoñecera conversas con Ciudadanos, este partido desmentiu categoricamente que houbera “contacto algún” co deputado díscolo e deixou claro que “comportamentos coma o seu nunca terían cabida nun partido coma Ciudadanos”. A voceira autonómica, Olga Louzao, dixo que “no ADN de Ciudadanos está acabar co clientelismo e as prácticas corruptas propias da vella política” e afirmou que “a idea que Ciudadanos ten do que é a actividade política e a xestión pública nas institucións desde logo non ten nada que ver co que leva acontecido neste mandato na Deputación Provincial de Lugo”.

Louzao avanzou que a formación presentará listas en moitos concellos da provincia nas vindeiras eleccións, pero serán “candidaturas exemplares, alonxadas deste tipo de prácticas”. Así, subliñou que o partido laranxa –ao que definiu coma transversal– está “nun momento de expansión” e implantación en Galicia, polo que nel “teñen cabida todas as persoas que queiran mellorar a vida do seu municipio”. Aliás, pechou as portas ao deputado non adscrito con contundencia: “En Ciudadanos nunca tería cabida Manuel Martínez”.

Para a voceira de Ciudadanos, “a situación vivida na Deputación de Lugo neste mandato é esperpéntica e inaceptable” e lembrou que “Ciudadanos avoga pola desaparición das Deputacións dentro dunha nova arquitectura administrativa do Estado”. Olga Louzao culpou do “caos e descrédito da Deputación de Lugo” a todos os partidos con representación no ente provincial e dixo que “o PP e o PSOE son corresponsables do que está a suceder por usar a institución en beneficio propio e antepoñer intereses persoais aos dos cidadáns da provincia de Lugo”. “Seguramente moitas persoas que votaron ao PP e ao PSOE nas pasadas eleccións se terán arrepentido de terlles dado o seu voto á vista de para que o usaron nestes últimos tres anos”, razoou Louzao.

Por iso, dixo,”cada vez son máis as persoas na provincia de Lugo que ven en Ciudadanos unha alternativa diferente e na que se pode confiar”. Na súa opinión, “o feito de que partidos como o PP ou o PSOE centren todos os seus esforzos ultimamente en atacar a Ciudadanos é un sinal inequívoco da súa preocupación”. “Está claro que o PP e o PSOE ven a Ciudadanos como unha ameaza aos seus intereses na provincia de Lugo”.

ÚLTIMAS

Ulloa Viva anima á cidadanía a presentar alegacións contra o proxecto de Altri e pide á Xunta ampliar o prazo

A Plataforma Ulloa Viva anima á cidadanía a presentar alegacións contra o proxecto de...

Piden 15 anos por maltratar e agredir sexualmente de forma continuada á súa parella diante do seu fillo menor en Lugo

A Audiencia Provincial de Lugo xulga este xoves, 18 de abril, a un home para o que...

O Concello de Lugo recibe a insignia de honra da Confraría do Bo Xesús no seu 75 aniversario

O edil de Dinamización Económica, Mauricio Repetto, recibiu este sábado en nome do Concello de...

A planta que Altri proxecta en Palas de Rei será a primeira que integre os 2 procesos necesarios para producir Lyocell

A planta que Greenfiber, formada pola enerxética Greenalia e a multinacional lusa Altri, proxecta en Palas de Rei,...