O conselleiro de Presidencia, Xustiza e Deportes, Diego Calvo, acusou ao Executivo central de deixar á provincia de Lugo “hipotecada” en relación a futuros proxectos industriais que se queiran instala, despois de que a Administración autonómica procedese ao arquivo do proxecto de Altri en Palas de Rei pola negativa do Executivo de Pedro Sánchez á súa conexión coa rede eléctrica.
A preguntas dos medios nun acto na Coruña, e cuestionado pola sentenza do Tribunal Superior de Xustiza de Galicia (TSXG) que ditou que a Consellería de Medio Ambiente e Cambio Climático “debe manter” na súa estratexia verde a “protección” dos terreos, Calvo manifestou descoñecer a sentenza. “Non a coñezo en profundidade”, respondeu.
No entanto, insistiu no motivo polo que a Xunta arquivou o proxecto, coa súa consecuente paralización. “Quedou esgotado no momento no que o Goberno non contempla unha conexión eléctrica para a provincia de Lugo, hipotecando este proxecto e outros que se poidan instalar nos próximos anos”.
