O secretario xeral do PSdeG, José Ramón Gómez Besteiro, alertou este martes da “polarización e a deshumanización” como “unha das ameazas máis series para a paz e para a vida en democracia”. Así, advertiu de que os socialistas “non permanecerán indiferentes” ante a pintada con insultos que apareceu na súa sede de Lugo.

En concreto, na pintada pódese ler ‘Vermellos de merda’. Neste contexto, o líder dos socialistas galegos asegurou que a democracia “é política, é participar e expresarse en liberdade, algo que non comparte unha ultradereita que é responsable deste tipo de atentados xunto a unha dereita compracente”.

“Non imos permanecer indiferentes ante estes atentados. Ímolos a condenar e denunciar”, afirmou Besteiro, quen acudiu ata as instalacións xunto á secretaria de Organización provincial, Pilar García Porto.