O PPdeG acusa a PSOE e BNG dun “modelo privatizador” nas residencias da provincia de Lugo, tanto na Deputación como nos municipios nos que gobernan. A secretaria xeral do PPdeG, Paula Prado, a presidenta provincial do PP de Lugo, Elena Candia, e o portavoz na Deputación, Antonio Ameijide, reuníronse con membros da Plataforma Prol Residencia de Becerrá para abordar esta cuestión.

Así, Elena Candia pediu a PSOE e Bloque que “respecten á xente de Becerreá, que cumpran o que piden facer noutras administracións e que abandonen a hipocrisía para que Becerreá teña a residencia que merece”.

“Din defender os intereses dos galegos, pero consenten que outras comunidades vaian ter máis á conta de que Galicia teña menos cunha ‘cota’ feita á medida do independentismo catalán e a cambio de prolongar un pouco máis a agonía de Pedro Sánchez na Moncloa”, recriminou Prado. Mentres, Antonio Ameijide esixiu que “todos os centros presten os servizos para o cales foron creados e co mesmo prezo en toda a provincia”.