InicioPolíticaO PP pedirá no Senado que o Goberno explique se está disposto...

O PP pedirá no Senado que o Goberno explique se está disposto a intervir Alcoa a través da SEPI

PUBLICADA O

- Advertisement -

O PP pedirá na Cámara alta que o Goberno central explique se está disposto a intervir a planta de Alcoa en San Cibrao a través da Sociedade Estatal de Participacións Industriais, “tal e como se fixo con outras empresas estratéxicas, como é o caso máis recente de Telefónica”. Os senadores lucenses do PP, José Manuel Balseiro, José Manuel Barreiro e Juan Carlos Serrado, presentaron iniciativas na Cámara Alta onde se interesan pola disposición do Goberno para promover medidas para salvagardar a actividade e os empregos da única fábrica de produción de aluminio primario que queda en España.

Diso informou o PP nun comunicado, no que Balseiro lembra que o Goberno está obrigado a dar ese paso, a través de múltiples acordos das Cortes Xerais, Parlamentos galego e de varios plenos municipais que piden que se active, de ser necesario, a intervención pública instrumental e temporal desta factoría para buscar un comprador solventes.

Os senadores tamén poñen en valor que o aluminio primario é un metal estratéxico para a economía que, de non producirse en España, tería que ser importado a prezos máis caros, e que ten múltiples aplicacións na construción, automoción, na industria da alimentación e mesmo no tratamento de augas residuais ou os laboratorios farmacéuticos. De feito, apuntan, a actividade de Alcoa foi declarada “esencial” durante a pandemia.

O PP destaca que o Goberno tamén terá que aclarar por que desde a Moncloa non se promoven todos os instrumentos públicos de apoio para a industria electrointensiva. Entre eles, cita un novo estatuto eléctrico verdadeiramente eficaz, esgotar as compensacións por CO2 ata o máximo que permite a Unión Europea e novos apoios vinculados á interrumpibilidad.

ÚLTIMAS

Penas de prisión inferiores a tres anos para os imputados na peza orixinal da ‘Operación Pokémon’

A Audiencia Provincial de Lugo acordou impor este luns penas de prisión inferiores ao tres anos...

Capturan nun edificio da rúa Río Navia un lagarto ocelado de 40 centímetros

Unha patrulla da Unidade Territorial de Policía de Barrio da Policía Local de Lugo rescatou esta...

A Policía Local de Lugo detén a un home acusado de agredir e reter á súa parella

A Policía Local de Lugo detivo este fin de semana a un home acusado...

Un Xulgado de Lugo rexeita que o Consorcio deba indemnizar aos bombeiros por contratar efectivos durante a folga de 2023

O Xulgado do Social número 4 de Lugo rexeitou, tal e como solicitaban o...