O PSdeG, do mesmo xeito que o resto de formacións, viviu unha xornada intensa na que os seus dirixentes se dividiron para participar en diversas presentacións de candidaturas. É o caso do delegado do Goberno, José Ramón Gómez Besteiro, quen se desprazou a Guitiriz para apoiar á candidata socialista, Marisol Morandeira.
Ademais de eloxiar á candidata, Besteiro reivindicou o papel do PSdeG, que “cando hai algún problema non escapa”. “O noso único obxectivo é mellorar a vida dos veciños e veciñas de Guitiriz, de Galicia e de España. A política é e debe ser alegría”, sentenciou.
Pola súa banda, o secretario xeral do PSdeG, Valentín González Formoso, e o secretario provincial, Bernardo Fernández, participaron en Frades na presentación dos distintos candidatos ás alcaldías do interior da provincia da Coruña.
A CORUÑA
Así mesmo, aínda que os integrantes da súa lista xa se deron a coñecer, a candidata socialista á reelección na cidade da Coruña, Inés Rey, presentou ao seu equipo completo baixo a lema de ‘A Coruña que avanza’
Fíxoo ante a que está chamada a ser futura sede da Axencia Española de Supervisión de Intelixencia Artificial (Aesia), onde proclamou: “Temos un proxecto para A Coruña do próximos dez anos e o noso obxectivo é que siga avanzando”.
