InicioPolíticaLara Méndez asinará con Adif e a Xunta o convenio para avanzar...

Lara Méndez asinará con Adif e a Xunta o convenio para avanzar na estación intermodal

Adif achegará 31 millóns de euros; a Xunta, 13,6 millóns; e o Concello de Lugo, 4,7 millóns

PUBLICADA O

- Advertisement -

A alcaldesa de Lugo, Lara Méndez, asinará o próximo 17 de marzo, cos responsables de Adif e da Xunta, o convenio que permitirá avanzar na construción da estación intermodal de Lugo, infraestrutura “imprescindible” para o futuro da cidade e o desenvolvemento das comunicacións do municipio.

Segundo explica o Concello de Lugo nun comunicado, este convenio é “imprescindible” para dar pasos adiante, xa que o documento recolle as obras que corresponden executar a cada administración, así como as achegas económicas de cada unha e as anualidades, nun proxecto no que se investirán 50 millóns de euros.

Así, o Administrador de Infraestruturas Ferroviarias achegará 31 millóns de euros; a Xunta, 13,6 millóns; e o Concello de Lugo, 4,7 millóns, correspondentes estes con o cofinanciamento, xunto con Adif, do novo paso inferior peonil de uso libre que comunicará o barrio de Paradai e o de Sacro Corazón, así como a urbanización dos viarios e da contorna inmediata no que se construirá a nova dotación.

Respecto diso, a rexedora lembrou que xa foi no mandato pasado cando ela, reivindicou, “puxo este proxecto na axenda política”, entendendo que se trata dunha infraestrutura “vital” para incrementar a competitividade e conectividade co resto do país, reunindo as estacións de autobuses e tren no lugar no que agora se atopa esta última e mellorando as liñas ferroviarias para alcanzar a alta velocidade.

Ademais, Lara Méndez subliñou que “posiblemente” xa se podería gozar da nova intermodal “se o PP non paralizase e suspendese unha adxudicación que xa estaba en vigor en 2012”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...