A presidenta provincial do PP de Lugo, Elena Candia, ratificou este luns que o candidato popular na cidade, na liña do que sucederá no resto de urbes pendentes, quedará confirmado a finais deste mes de xullo. “A nosa vontade é traballar coordinadamente co PP de Galicia, e co PP nacional, que nas capitalidades de provincia teñen a súa responsabilidade”, explicou.
Candia é partidaria de “respectar” os tempos con respecto ao proceso de nomeamento dos candidatos, para que desta forma haxa “tempo suficiente” para que os lucenses poidan coñecer o seu plan de traballo. Polo demais, a presidenta dos populares da provincia agradeceu a Ramón Carballo o seu “bo traballo” como portavoz neste tres anos de mandato.
“Agora o máis importante é enfocar o futuro. Estamos nunha realidade na que vemos que Lugo merece un cambio. O bipartito merece un cambio porque está máis centrado nas súas loitas internas que en traballar pola cidade”, lamentou.
Elena Candia afeou que no Concello de Lugo hai “proxectos bloqueados”, como o auditorio de Magoi, que vincula á “ineficacia e pouca xestión dun bipartito que está instalado na propaganda”.
