InicioPolíticaO PP de Lugo critica a Deputación por non rozar as estradas:...

O PP de Lugo critica a Deputación por non rozar as estradas: “Parecen selvas”

Non lles vale a "escusa" de que haxa goberno en funcións ou a de que o proceso de contratación sexa lento, din. Presumen de que nos viais da Xunta eses traballos xa están máis avanzados

PUBLICADA O

- Advertisement -

O PP da provincia insta a Deputación para “iniciar xa” a roza das estradas da súa titularidade. Os populares apuntan que a falta de limpeza da maleza que medra nas beiras dos viais pode provocar máis incendios, accidentes de tráfico e un deterioro da imaxe de Lugo que levan os visitantes.

A situación é “insostible”, denuncian, ao tempo que insisten na súa manida comparación: “máis que estradas, parecen selvas”. Confrontan a actuación da Deputación con aqueloutra que lle corresponde á Xunta nas estradas de titularidade autonómica. Mentres que os 4.200 quilómetros  provinciais “aínda non están limpos” en plena época estival, as vías da Xunta “xa están rozadas ou xa se están a acometer os traballos”.

Non lles serve como xustificación a “escusa” de que exista un goberno en funcións nin a de que haxa baixas nos procesos de contratacións, sosteñen; é unha “responsabilidade política e administrativa” que lle atinxe á Deputación.

UNHA SITUACIÓN QUE SE REPITE, DIN OS DO PP

Este “desleixo” non é un asunto exclusivo deste ano, reproban os populares. Lembran que, en previsión deste contexto, en 2017 presentaron diversas propostas en Pleno para axilizar as contratacións das actuacións de roza e a súa execución. Culpan os socialistas de “non ter corrixido esa forma de actuar” e sinalan que as consecuencias están á vista de todos.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...