InicioSociedadeO peche parcial da oficina de Abanca en Parga fai desconfiar os...

O peche parcial da oficina de Abanca en Parga fai desconfiar os veciños

O local só atenderá ao público tres días á semana, "como nos ofrecían cando o quixeron pechar" hai tres anos. A Plataforma Parga Non Se Divide esixe garantías da reapertura total unha vez cesen as restricións sanitarias.

PUBLICADA O

- Advertisement -

A Plataforma ‘Parga non se Divide’ alerta que a oficina de Abanca de Parga (Guitiriz) só prestará servizos os martes e venres pola mañá, no canto de abrir cinco días á semana como viña facendo ata o de agora. Malia tratarse dunha medida preventiva polo coronavirus, o colectivo teme que esta situación se convirta en definitiva.

“Entendemos que é unha medida preventiva pola COVID-19 e así nolo confirman extraoficialmente, mais o xeito de producirse (o peche parcial), sen aviso previo nin explicación algunha, fainos desconfiar”, explican. A iso súmase o feito de que se tomara a decisión de manter a atención ao público tan só dous días á semana, “como nos ofrecían cando a quixeron pechar” no 2017.

Ante este temor, a Plataforma esixe garantías de que esta situación se vai reverter unha vez cesen as restricións sanitarias. “Parga quere e necesita unha oficina bancaria aberta de luns a venres e vai loitar por ela se é necesario”, manifestan dende a plataforma veciñal. O colectivo insta a veciñanza a acudir este venres 27 de marzo á oficina de Parga ou á de Guitiriz, “de xeito ordenado e cumprindo as normas sanitarias”, para solicitar as follas de reclamación e esixir un compromiso de reapertura total”.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...