A asociación ecoloxista Adega sostén que o polígono eólico Carballal, proxectado no Concello da Pastoriza, na zona da Terra Chá, terá “unha afectación directa sobre especies ameazadas” entre as que cita o milano real. Nun comunicado, informa que iniciou unha campaña de recadación de fondos a través do #TiPodesParalos para recorrer este proxecto eólico ante o Tribunal Superior de Xustiza de Galicia (TSXG) e lembra que o mesmo inclúe a instalación de tres aeroxeradores de 180 metros de altura.
Nunha área, engade, de “máxima sensibilidade ambiental, clasificada como ‘de exclusión’ para aproveitamentos eólicos e fotovoltaicos segundo a zonificación presentada polo Ministerio para a Transición Ecolóxica e Reto Demográfico”. Apunta tamén que as súas instalacións se sitúan a menos dun quilómetro de distancia dunha área de protección para “a avifauna ameazada”. Por iso, asegura que este proxecto terá unha “afectación directa” sobre especies ameazadas como o milano real (Milvus milvus) e o aguilucho cenizo (Circus pygargus).
