InicioA UlloaO BNG insta o Senado a rexeitar o proxecto de Altri tras...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme dá Silva, defenderá esta semana unha moción no pleno da Cámara Alta para instar o Goberno a rexeitar a inclusión do proxecto de Altri no PERTE de descarbonización, tras a manifestación multitudinaria e o "clamor social" contra o devandito proxecto expresado este domingo en Palas de Rei (Lugo).

PUBLICADA O

- Advertisement -

A senadora do BNGCarme da Silva, defenderá esta semana unha moción no pleno da Cámara Alta para instar o Goberno a rexeitar a inclusión do proxecto de Altri no PERTE de descarbonización, tras a manifestación multitudinaria e o “clamor social” contra o devandito proxecto expresado este domingo en Palas de Rei.

Da Silva chamou ao resto de forzas políticas a apoiar ese clamor social e pedirá ao Goberno que priorice a preservación do medio natural e da actividade agrogandeira e marisqueira, fronte aos intereses da multinacional, que pretende instalarse neste municipio lucense “axudada por diñeiro público”.

Segundo subliñou a senadora nacionalista, os criterios fixados no Mecanismo de Recuperación e Resiliencia sinalan que os proxectos beneficiarios de axudas “deben contribuír a asentar economías máis sustentables e mellor preparadas para as transicións ecolóxica e dixital”, polo que o Executivo “non pode nin debe destinar diñeiro público para financiar proxectos como este, que afectan negativamente ao ambiente, á protección da biodiversidade e a un uso irresponsable dos recursos hídricos”.

Por iso, o BNG pide que se dea prioridade á preservación ambiental e á protección da actividade socioeconómica, optando por proxectos que favorezan un desenvolvemento sustentable en Galicia, “en lugar de financiar a instalación dunha pasteira que, certamente, causará un tremendo impacto ambiental e que está a xerar rexeitamento do conxunto da sociedade galega”.

Nese sentido, a senadora do BNG pide que se revise “con rigor” o proxecto de Altri e que non poida optar a axudas do PERTE nin a outras axudas directas ou créditos, á vez que lembrou que a manifestación deste domingo foi unha mostra de “dignidade” dun pobo “loitando polo seu futuro”.

“As forzas políticas teñen que aclarar se están a favor de implantar o proxecto ou en contra, non vale a distancia. Xogámonos o futuro social, ambiental e económico do país”, proclamou Carme da Silva, que engadiu que “mesmo o PP está a tempo de cambiar de posición” para antepor os intereses dos galegos aos intereses de empresas que só queren “expoliar” os recursos e “deixar contaminación”.

BESTEIRO RECOÑECE QUE NON LLE “GUSTA” O PROXECTO DE ALTRI

Pola súa banda, o secretario xeral do PSdeGJosé Gómez Besteiro, recoñeceu que non lle “gusta” o proxecto de Altri na comarca da Ulloa pero cre que hai que “ir máis aló” de opinións persoais e reclamar que se dean “explicacións” sobre a iniciativa empresarial. Así se pronunciou o responsable dos socialistas galegos a preguntas dos medios este luns, día despois da manifestación contra o proxecto celebrada en Palas e que estivo apoiada por formacións políticas como BNG, Sumar, Podemos e Anova.

Besteiro, que apuntou que na marcha de Palas “había moitos socialistas”, indicou que “non se trata” de expresar se “gusta ou non gusta” o proxecto. “Se alguén cre que con iso fixo o seu labor, está moi equivocado”, apostilou. Así, subliñou que a el, persoalmente, non lle “gusta” o proxecto polo “cambio que se experimentou” desde o seu anuncio ao que, segundo Besteiro, pretende Greenfiber levar a cabo, polo que considera que hai que “ir máis aló” e reclamar “explicacións”.

Para Besteiro, é preciso que se aclare “que foi o que cambiou” sobre a actividade da planta, o número de traballadores prometido ao que se prevé que xere a planta coa súa posta en marcha ou a “viabilidade” da factoría máis aló dos fondos públicos que os seus promotores piden. O socialista subliñou que “non é un proxecto exclusivamente privado” porque “se introduciron cuestións políticas” cando a Xunta “presentou e apadriñou” o proxecto “aos catro ventos”.

Tamén porque Greenfiber reclama fondos públicos para pór en marcha a factoría, parte deles dos mecanismos europeos de reactivación e de descarbonización da economía. Por iso, incidiu en que “aínda” se atravesa unha “fase” de aclaración do proxecto e manifestou a súa “confianza” no traballo dos técnicos da Xunta que, segundo Besteiro, tamén será “fiscalizado” polas forzas políticos como parte da súa “obrigación”.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...