InicioMedioambiente e PatrimonioA CIG denuncia a "preocupante" falta de profesionais en "todos" os...

A CIG denuncia a “preocupante” falta de profesionais en “todos” os distritos forestais da provincia

Destaca que hai 35 postos sen cubrir en brigadas antincendios de Lugo.

PUBLICADA O

- Advertisement -

A CIG denuncia a “preocupante” falta de profesionais en “todos” os distritos forestais da provincia de Lugo ás portas do inicio da campaña de alto de risco de verán, xa que hai 35 postos que constan como efectivos (ao figurar na relación de postos de traballos), “pero que, en realidade, están sen cubrir”.

O sindicato reclama á Consellería do Medio Rural que cubra estas vacantes, dado o “perigo que isto implica nun traballo de risco elevado como este”.

Censura que esta falta de profesionais “estase arrastrando desde hai anos sen que a Consellería do Medio Rural poña solución”. “A Consellería do Medio Rural fai moita propaganda, gasta moitos esforzos e diñeiro en transmitir unha imaxe de responsabilidade e profesionalidade que non se corresponde coa súa xestión do persoal. Enorgullécese de ter un amplo dispositivo no Spdcif, pero a realidade é que hai códigos de RPT pero non persoas cubrindo eses postos. Vende fume, pero está a xogar con lume”, reproba.

Así, lamentan que moitos dos postos da RPT están sen cubrir, xa que a Consellería nin “os oferta como prazas de superior categoría ou por adscrición provisional, nin tampouco dota estes postos con persoal das listas de substitución”. E avisa de que a administración “decidiu cubrir só as prazas de persoal que está de baixa por IT, pero moitas delas non chegan a ser efectivamente cubertas, porque cando rematan os trámites dos chamamentos as persoas titulares xa se reincorporaron da baixa”.

Deste xeito, cita diferentes exemplos de postos vacantes de bombeiros forestais, emisoristas, vixiantes, postos de brigadas e de traballadores de motobombas nos distritos de Mariña Lucense, Fonsagrada Ancares, Terra de Lemos, Lugo-Sarria e Terra Chá.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...