Na propia denominación do concepto ‘redes sociais’ vai implícita esa creación dun círculo de relación entre persoas. Aínda que ás veces parece que o que conseguen é xustamente todo o contrario —a deshumanización dos vínculos interpersoais—, outras veces si que logran coser redes e crear comunidade. Iso é o que procuran algunhas iniciativas que recompilamos nesta peza. Son páxinas de Facebook postas en marcha pola veciñanza co fin de armar unha especie de faladoiro sobre concellos, cidades… Compartir fotos antigas é un dos leitmotiv deste tipo de páxinas.
Fotos gardadas nos caixóns particulares dan agora o salto ao mundo virtual para que máis xente poida ver como eran as nosas vilas antano. Velaquí un repaso da memoria fotográfica de Lugo a través dalgunhas imaxes compartidas nesas páxinas:
MEMORIA DA TERRA CHÁ
Esta é, quizais, unha das iniciativas que máis material recolleu. Nela pódese ver as rúas de Vilalba a principios do séc.XIX, romarías, manifestacións ou fitos históricos como o primeiro partido de baloncesto no municipio.
OUTRAS
A foto do alumnado da escola unitaria de Santalla en ribeira de Piquin e de principio dos 70