InicioMedioambiente e PatrimonioOs gandeiros de Lugo percibiron case 102 millóns de euros na campaña...

Os gandeiros de Lugo percibiron case 102 millóns de euros na campaña da PAC do 2018

A Xunta comprométese a modernizar e simplificar os trámites, algo para o que puxo en marcha un proxecto piloto no que aposta por satélites, drons e intelixencia artificial para o monitoreo das superficies.

PUBLICADA O

- Advertisement -

A Consellería do Medio Rural abonou na provincia de Lugo pagos por importe de case 102 millóns de euros correspondentes á campaña da PAC no 2018, que quedou practicamente rematada coas últimas partidas ingresadas no mes de xuño. As axudas beneficiaron a máis de 11.000 gandeiros lucenses.

O delegado territorial da Xunta en Lugo, José Manuel Balseiro, explicou que xa se está traballando na campaña do 2019, para a que se agardan unhas cifras semellantes ás do pasado ano. Ademais, salientou que a Xunta tratará de “seguir modernizando e simplificando a tramitación”.

Con ese obxectivo en mente, a Consellería vai realizar un proxecto piloto -no concello pontevedrés de Forcarei- no que empregará imaxes satélite, drons ou intelixencia artificial para monitorear as superficies declaradas para pagamento básico, algo que ata o de agora se fai mediante un método de control tradicional.

EN CIFRAS

Polo que respecta ao pasado ano, os agricultores da provincia recibiron en axudas directas 81,8 millóns de euros. Estas achegas inclúen o denominado pago básico, o pago verde, axudas vinculadas a cultivos para alimentación animal ou á produción de legumes de calidade, ás explotacións que manteñan vacas nutrices, vacún de cebo ou vacún de leite, así como ovino e caprino. Tamén están orientadas aos agricultores que inicien a súa actividade con menos de 40 anos.

Igualmente, concedéronse axudas ás explotacións situadas en zonas con limitacións naturais por unha contía global de 10,2 millóns de euros. En terceiro lugar figuran as axudas agroambientais, por valor de 8,7 millóns de euros, para primar os agricultores que aplican prácticas beneficiosas para o clima ou o medio ambiente. Por último, os pagos para a produción ecolóxica superaron o millón de euros (1.032.000 euros) na provincia de Lugo.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...