InicioPolíticaCasado defende en Lugo a "política dende abaixo cara a arriba"

Casado defende en Lugo a “política dende abaixo cara a arriba”

Pablo Casado afirma que o Partido Popular foi privado da alcaldía de Lugo "por un feixe de votos" e arenga a "dar a batalla" para situar a cidade "onde merece"

PUBLICADA O

- Advertisement -

EFE – O presidente do Partido Popular, Pablo Casado, afirmou que malia vinte anos de goberno socialista, Lugo segue a ser unha cidade “marabillosa” porque o rico patrimonio e a sociedade de seu souberon sobreporse a “malas políticas provinciais e municipais”. O máximo dirixente dos conservadores participou este xoves nun acto con simpatizantes na sede provincial da formación.

Fíxoo en compaña da presidenta provincial do Partido Popular, Elena Candia, e mailo alcaldable Ramón Carballo. A el referiuse coma “alcalde”, ao que o candidato replicou que “aínda faltan dous [sic] meses”. Sen negalo, Casado “fixou o prazo” para chegar á alcaldía e regresar ás “boas políticas”.

O presidente dos populares afirmou ter, perante a inminente convocatoria electoral, unha “visión optimista”, e asegurou que aspira a que “España se goberne como en Galicia”, con “honestidade e eficacia”, e sempre coa idea de que “a política faise de abaixo cara a arriba”. Durante a intervención, Casado lembrou que o Partido Popular foi privado da alcaldía de Lugo en varias ocasións “por un feixe de votos”, e avanzou que desta vez os militantes “van dar a cara” sen “escatimar esforzos” para lograr o cambio e situar o municipio “no lugar que merece”.

PP

Aproveitou Casado a presencia de alcaldes da provincia de Lugo para pedirlles o seu apoio e para que se dirixan a cidadáns dos respectivos municipios que poidan convencer a familiares e amigos na capital lucense de apoiar o proxecto do Partido Popular.

Carballo, por outra banda, afirmou que “a alcaldesa abriu problemas onde non os había” e coa xestión “agrandou” os que xa estaban presentes en Lugo. Criticou tamén aos “cómplices” que atopou o Partido Socialista “na esquerda” por contribuír a que o Concello se atope en “parálisis total”.

A nivel provincial, Candia lembrou que o Partido Popular “só sabe gañar eleccións, aínda que algunhas veces gobernan e outras non”. A dirixente provincial salientou que “España e os españois” teñen motivos “para mirar a Lugo por moitas razóns”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...