InicioLugo e contornaLugoO PP de Lugo critica as palabras de Arroxo sobre o 'carril...

O PP de Lugo critica as palabras de Arroxo sobre o ‘carril bici’

Desde o PP reclaman transparencia, información e consenso coa cidadanía para poder aplicar decisións como a relativa ao PMUS

PUBLICADA O

O Grupo Municipal do PP en Lugo criticou as declaracións do tenente de Alcalde, Rubén Arroxo, quen asegurou que “mentres leve Mobilidade non haberá máis carrís bici segregados”. Desde o PP local sinalan que as palabras de Arroxo non poden estar por riba do que está aprobado oficialmente e por escrito.

Nunha nota de prensa, os ‘populares’ lucenses lembran que o Concello de Lugo, gobernado por PSOE e BNG, aprobou un Plan de Mobilidade Urbana Sostible (PMUS). “E un PMUS non é unha opinión nin unha intención política: é un documento de planificación de obrigado cumprimento que ordena a mobilidade da cidade“, sinalan.

Ademais disto, apuntan que no caso de contradición co Plan Xeral prevalece o PMUS segundo figura no Artículo 150.2. que indica: se existiran incongruencias esenciais entre o Plan de Mobilidade do Concello e o Plan Xeral, prevalecerá aquel e se modificará este”.

Así, segundo se explica na nota de prensa, o que vincula legalmente “non é unha declaración puntual, senón o documento aprobado, que contempla a ampliación da rede ciclista ata os 47,4 quilómetros”.

Se a única garantía de que o PMUS non se execute é a palabra do señor Arroxo, convén lembrar dous feitos moi claros Diante destas circunstancias, o PP de Lugo lembra que o 26 de decembro o tenente de alcalde “afirmou que o PMUS estaba aprobado de forma definitiva”. Posteriormente, logo da admisión do recurso presentado polo PP no TSXG, o Concello tivo que abrir un novo prazo de exposición pública que finaliza o 18 de marzo.

Doutra banda, o PP local quere deixar claro que os documentos aprobados “permanecen” aínda que os departamentos, como Mobilidade, “cambien de mans”. Por último, reclaman transparencia, información e consenso coa cidadanía para poder aplicar decisións como a relativa ao PMUS.

+ posts

ÚLTIMAS

O PPdeG reclama a PSdeG e BNG “asumir responsabilidades” por permitir que Tomé siga de alcalde e deputado

O portavoz parlamentario do PPdeG, Alberto Pazos Couñago, esixiu ao PSdeG e ao BNG...

O PPdeG non asistirá ao acto do 8M na Deputación de Lugo por mor do “branqueamento” de José Tomé

Os deputados do Grupo Provincial Popular de Lugo anunciaron este martes que non asistiran...

A Rede Museística é a institución de referencia no apoio á creación feminina segundo un informe

informe Las Artistas, aquí y ahora elaborado pola Asociación de  Mujeres en las Artes...

Senadores do PP de Lugo reclaman a Sánchez “concretar prazos” para reparacións na N-6

Os senadores do PP de Lugo reprocharon ao Goberno que "non concrete prazos" sobre...