InicioPolíticaUltimátum do BNG ao goberno de Lugo polo borrador de ordenanza cívica

Ultimátum do BNG ao goberno de Lugo polo borrador de ordenanza cívica

Os nacionalistas ameazan con negar o apoio ao goberno socialista de Lugo se non anuncia a retirada o borrador da ordenanza antes da fin de outubro

PUBLICADA O

- Advertisement -

O Bloque Nacionalista Galego esixe ao executivo de Lara Méndez que anuncie publicamente o abandono do proxecto de ordenanza cívica antes da fin de outubro. En caso contrario, o grupo municipal retirará indefinidamente o apoio ás propostas do goberno socialista de Lugo. O voceiro do Bloque, Rubén Arroxo, xustificou o ultimátum co argumento de que representa un modelo de cidade antagónico ao que propugnan no BNG.

O anuncio chegou este luns, ao abeiro da representación do consello comarcal e local do Bloque. Os nacionalistas reiteran o rexeitamento a un cambio normativo intentado por vez primeira en 2009, e que quedou na gabeta ata que as presións do empresariado lucense levaron a redactar un novo borrador, auspiciado polo Partido Socialista, Partido Popular e Cidadáns. Para Arroxo, a alcumada ordenanza mordaza “dimunúe a capacidade do movemento cultural e castiga ás persoas con menos recursos”.

No BNG opinan que na mobilización do pasado 26 de setembro “a veciñanza demostrou que non quere esta ordenanza”. O voceiro nacionalista confrontou a ordenanza coa aposta polos colectivos culturais, artísticos e deportivos, “un modelo de cidade dinámico e pensado para as persoas”. Arroxo cominou a abandonar o borrador, e en caso negativo, pediu ao grupo socialista “que non nos chamen absolutamente para nada”. “Que o Partido Socialista se adique a seguir construíndo o seu modelo de cidade con Partido Popular e Ciudadanos”.

Sostén o candidato nacionalista á alcaldía que o urxente é actualizar catro ordenanzas pendentes. Serían a de medio ambiente, “para mellorar unha das cuestións a debate, a limpeza  e o coidado da cidade”; a de contaminación acústica, “metida dende o mandato pasado nun caixón, necesaria para mellorar a convivencia”; a de tenencia de animais, “que hai que actualizar para adaptala á lexislación que vén de ser aprobada hai escasos meses no Parlamento”; e a de publicidade, “importantísima para frear e eliminar a publicidade sexista”.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...