Axentes da Policía Nacional adscritos á Comisaría Provincial de Lugo evitaron que un mozo veciño de Pontevedra, con residencia na cidade luguesa, se quitase a vida o pasado luns.
Así o informou a Policía Nacional, que explicou que se tratou dun home novo ao que auxiliaron despois de porse en contacto coa súa parella que reside fóra da cidade, á que advertiu da intención de quitarse a vida. A súa parella comunicouno no posto da Garda Civil da súa localidade, que contactou á súa vez coa sala do 091, en coordinación permanente, para comunicar os feitos.
Con esta situación as dotacións en servizo dirixíronse ao domicilio facilitado pola parella do novo e accederon pola porta do portal grazas a un veciño do inmoble, xa que o mozo o tiña desconectado.
Unha vez no chanzo do andar onde reside o mozo este accedeu aos chamamentos á porta, que abriu, e permitiu o acceso aos policías, que observaron que tiña preparada a bañeira chea de auga e un coitelo apoiado na beira da mesma.
Manifestou o mozo a súa intención de quitarse a vida, indica a Policía Nacional, co que os policías se puxeron en contacto cos servizos sanitarios, á vez que o tranquilizaron. Personados no lugar servizos sanitarios, trasladaron ao mozo ao HULA para a súa valoración.
Durante esta semana a Policía Nacional acudiu a tres servizos humanitarios máis, entre os que destacou outra tentativa de suicidio, pero “nesta ocasión tratouse dunha colaboración cos servizos sanitarios, para que non pasase a maiores”, engade.
Os outros dous casos de atención corresponderon a persoas que se atopaban indispostas na vía pública, en ambos os casos pola inxesta de alcol, que foron atendidas e trasladas a centros sanitarios.
