InicioLugo e contornaLugoLugo celebra os 21 anos da Muralla como Patrimonio da Humanidade con...

Lugo celebra os 21 anos da Muralla como Patrimonio da Humanidade con xogos, concertos e poesía

A celebración terá lugar o 28 de novembro.

PUBLICADA O

- Advertisement -

Lugo conmemorará o 21 aniversario da declaración da Muralla como Patrimonio da Humanidade o vindeiro domingo 28 de novembro con diferentes actividades como os xogos tradicionais, poesía e música.

A área de Cultura, Turismo e Promoción da Lingua do Concello de Lugo organizou a celebración para o domingo, e non para o martes 30, “para facilitar a asistencia dos veciños a todas as actividades que desexen”.

Nas inmediacións da Muralla celebraranse concertos das distintas agrupacións musicais do Conservatorio de Lugo e unha ruta poético musical protagonizada por poetas e instrumentistas de Lugo. Pola mañá realizarase unha mostra de xogos tradicionais no propio adarve da muralla, a cargo da asociación Xotramu.

DÍA DAS ENFERMIDADES NEUROMUSCULARES

Por outra banda, o Concello de Lugo iluminará de cor vermella a fachada da Casa Consistorial este luns 15 de novembro para conmemorar o Día Nacional das Enfermidades Neuromusculares.

Con este xesto, explica o municipio nun comunicado, a institución “busca apoiar o traballo desenvolvido pola Asociación Galega contra as Enfermidades Neuromusculares (ASEM Galicia), impulsora da iniciativa, para concienciar á poboación sobre esta enfermidade e darlle visibilidade.

Destacan ademais que se coñecen máis de 150 ENM, que pola frecuencia con que se presentan forma parte do conxunto das denominadas ‘enfermidades raras’. Este ano, a Federación Española de Enfermidades Neuromusculares (Federación ASEM), e as súas 29 asociacións, puxeron en marcha a campaña ‘Capaces15N’.

ÚLTIMAS

“Boa noticia para Lugo”, o TSXG confirma que o Concello de Lugo non ten que indemnizar ao promotor do Garañón

O Tribunal Superior de Xustiza de Galicia (TSXG) confirmou o fallo do Xulgado do...

Acepta ano e medio de prisión por insultar, acosar e ameazar a unha parella homosexual da cidade

Un home acusado de insultar, acosar, amedrentar e ameazar de morte a unha parella...

O PP oponse a rexeitar o proxecto de Altri, como pide o BNG

O Partido Popular opúxose este martes a rexeitar o proxecto de planta de celulosa de Altri...

A Deputación de Lugo reivindica o seu modelo de residencias de maiores

O responsable de Promoción Económica e Social da Deputación de Lugo, Pablo Rivera Capón,...