InicioLugo e contornaLugoA alcaldesa de Lugo pide "prudencia" para confirmar se foi ataque "transfóbico"...

A alcaldesa de Lugo pide “prudencia” para confirmar se foi ataque “transfóbico” a agresión á moza na Muralla

"Toca como administración ser prudente e esperar á confirmación oficial" porque "de momento as versións son contraditorias", apuntou Lara Méndez.

PUBLICADA O

- Advertisement -

A alcaldesa de Lugo, Lara Méndez, condenou o ataque a unha rapaza trans que foi supostamente empuxada desde o adarve da Muralla, á vez que apelou á “prudencia” á espera de que se confirme se se trata dun “ataque transfóbico” ou non. “Desde o Concello sempre vemos con preocupación calquera acto de violencia, pero o que temos que facer tamén é ter prudencia e esperar a confirmación que a día de hoxe non a temos”, explicou.

Nesta liña, argumentou “que no momento” que teñan “esa confirmación” de posible ataque “transfóbico”, se “efectivamente é un acto de violencia, o sería nunha dobre vertente porque sería un acto de violencia de xénero e homofobia”, considerou. “Por tanto manifestaremos rotundamente a nosa repulsa a todo tipo de violencia, sobre todo se falamos de violencia de xénero”, apostilou a rexedora. Méndez insistiu en que lle “toca como administración ser prudente e esperar á confirmación oficial”, porque, matizou, “de momento as versións son contraditorias”.

“Non está confirmado por parte de quen lle compete facer estas afirmacións, temos que ter prudencia. En todo caso rexeitamento total e absoluto a calquera tipo de violencia, máxime cando falamos de violencia de xénero e, se vai unida á homofobia, evidentemente a indignación aínda é maior”, concluíu sobre esta agresión sucedida na madrugada do pasado domingo.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...