Unha persoa deuse á fuga despois de que o seu can, un pitbull, atacase a outro viandante, que nese momento se atopaba paseando coa súa mascota, outro can, pola Avenida de Madrid, en Lugo.
Tras o incidente, ocorrido o 18 e do que informou este luns a Policía Local de Lugo, axentes deste corpo de seguridade comezaron a persecución do fuxido e do animal, que os levou ata as zonas verdes do Campus Universitario, onde conseguiron interceptalo e trasladalo ao seu domicilio particular para a súa posterior identificación, xa que o individuo estaba indocumentado no momento do arresto.
Esta persoa enfróntase a tres denuncias. A primeira, de carácter particular, polas lesións sufridas polo outro viandante. As outras dúas corresponden a senllas denuncias da Policía Local: unha delas por unha infracción da Lei sobre Réxime Xurídico de Tenencia de Animais Potencialmente Perigosos, debido a que o pitbull carecía de microchip ou identificación; por non ter a licenza municipal obrigatoria para a súa tenencia, así como por levar ao can pola vía pública sen boceira.
Ademais, os axentes confección outra denuncia pola infracción da Lei de Protección e Benestar Animal de Galicia, xa que o individuo convivía con outro can no seu domicilio, o cal manifestou recoller da vía pública un mes antes do suceso dos feitos, que non contaba con microchip, pasaporte e inscrición no Rexistro de Animais de Compañía.
