InicioLugo e contornaLugoRenovan con 25.000 exemplares as flores de tempada dos xardíns públicos

Renovan con 25.000 exemplares as flores de tempada dos xardíns públicos

O concelleiro de Medio Ambiente, Miguel Fernández, destaca que na actuación investiron 24.000 euros.

PUBLICADA O

- Advertisement -

A campaña anual de renovación das flores de tempada nos xardíns de Lugo este ano se reforza con 25.000 exemplares. A alcaldesa de Lugo, Lara Méndez, acompañada do tenente de alcaldesa e edil de Medio Ambiente, Miguel Fernández, supervisou as actuacións.

A rexedora destacou a relevancia da actuación, “ co obxectivo de que a veciñanza de Lugo, así como turistas e visitantes atopen coloridos e orixinais tapices florais nas xardineiras e nas áreas reservadas á vexetación”.

Neste sentido, destacou que “son fundamentais estas actuacións no modelo de cidade polo que estamos a apostar, baseado na sustentabilidade, máis amable e próximo ás persoas, para que poidan gozar das contornas naturais e da súa gran riqueza visual á par que patrimonial”.

Miguel Fernández informou que “neste redeseño, no que investimos 24.000 euros, aplicaremos un tratamento integral para que as plantacións se produzan nas mellores condicións”.

Os reforzos florais desenvolveranse nos espazos da Avenida das Américas, Fonte dos Ranchos, Praza da Constitución, Praza do Ferrol, Garabolos, Praza Maior, Ronda da Muralla xunto a Porta de San Fernando, Parque Rosalía, Santo Domingo, Montevideo, Castelao, Bispo Aguirre, Bispo Odoario e nas xardineiras instaladas en distintas partes da cidade. Entre as especies que se distribuirán destacan a begonia, coleus, gazania, impatiens, surfinia, petunia, salvia, tagete, osteospermum e calibrachoa, entre outras.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...