- Advertisement -
A área sanitaria de Lugo rexistra este xoves 15 de abril 176 casos activos de coronavirus, 7 máis ca na xornada anterior. Nas últimas 24 horas diagnosticáronse 14 casos positivos.
A xerencia da área sanitaria confirmou a existencia dun gromo cuns 15 positivos arredor dun grupo de mozos estudantes. Sanidade xa está rastrexando contactos e realizando cribados para evitar a transmisión da cadea do virus.
Ademais, o Sergas refire unha hospitalización máis. En total, hai 11 persoas ingresadas: 8 en planta (6 no Hula, 2 na Mariña) e 3 na Uci.
Dende o inicio da pandemia faleceron 212 persoas na provincia, curáronse 11.821 e realizáronse 214.043 probas PCR.
