Un varón de 75 anos que permanecía ingresado con coronavirus no Hospital Universitario Lucus Augusti (HULA) morreu nas últimas horas. A Consellería de Sanidade informa de que o septuaxenario presentaba patoloxías previas.
Con este falecemento, xa serían 22 as vítimas mortais da COVID-19 na provincia de Lugo. Nas últimas horas, tamén se coñecía o pasamento dunha usuaria da residencia de Foz, que estaba illada nunha habitación do centro.
En canto ao número de casos activos, a Consellería de Sanidade ofrecía este mediodía a última actualización de datos que amosaba unha nova baixada na cifra de positivos en Lugo: 589, un menos ca o pasado luns.