InicioCulturaGalería: o mellor do desfile 'Lugo vístese de Primavera'

Galería: o mellor do desfile ‘Lugo vístese de Primavera’

Vinte e un comercios participaron na II edición – LugoXornal conversou con varios dos persoeiros que asistiron á gala

PUBLICADA O

- Advertisement -

LugoXornal conversou con varios dos persoeiros que asistiron á gala. Para a alcaldesa, Lara Méndez, foi un desfile “espectacular” e de “calidade boísima”. “A iniciativa é importantísima para fomentar o comercio de proximidade, un sector importantísimo para a cidade de Lugo, vital para o desenvolvemento socio-económico”. Por iso, deixou claro que “dende o Concello seguiremos apostando por iniciativas deste tipo” e intentarán “que se implique todo o comercio lucense, mais alá da Asociación de Autónomas, e que todo o pequeno comercio se sinta implicado porque cre neste tipo de iniciativas e en fomentar o tecido social e económico”.

Dende a Asociación de Autónomas de Lugo aseguran que “non puidemos escoller un marco mellor, é un espazo precioso”. A presidenta da asociación, Marta López Yáñez, dixo estar contenta co espazo e a acollida. “Penso que gustou –dixo–, sempre imos innovando, non sei o que será o ano que vén, pero algo innovador, seguro”. “Seguiremos a manter os elementos de sempre, por suposto. Xa en outono-inverno facemos un desfile, no día da Noite Aberta, deste ano aínda non sabemos o que vai pasar”.

Pola súa banda, a concelleira de Economía, Ana Prieto Nieto, tamén valorou positivamente o evento. “Estivo moi ben. Todos os e as lucenses puidemos desfrutar nos corredores da Deputación de toda a moda do comercio de Lugo. Ten de todo, e o podemos mercar sen saír da cidade, todo o que nos apetezca”, defendeu. “Animamos a xente da provincia e de fóra a vir. O comercio local está a pé de rúa, ten unha atención personalizada que non se atopa nas grandes superficies. A clientela é ben atendida polo comercio da rúa, un valor engadido importante”. Sobre próximas edicións, dixo que “todos os espazos nos que se vén realizando son diferentes, o ano pasado foi o Vello Cárcere; o ano que vén, haberá que ver”.

Na segunda edición do Lugo vístese de Primavera participou unha ampla representación do comercio de proximidade de Lugo: téxtil, calzado, xoiería, peletería, perfumes, ou deporte, entre outros. Os establecementos lucenses participantes foron 21: Black Market, Chic Fashion & Co, Cepece, Cuplé, Dándara, El armario de QK, Lilas, Malizia, Mariña, Mecos, Miky moda, Miriam Souto, Miss mariquita, Moninadas, Opticalia Callao, Peleterías Lucus, Rosa Clará, Urban Foot, Veritas Veritatis, Violeta y Chloe.

Galería II Lugo vístese de Primavera | Óscar Bernárdez

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...