Máis de medio cento de mozas participaron esta fin de semana nas XX Xornadas de Historia da Galiza organizadas por Galiza Nova, organización xuvenil do BNG, na cidade de Lugo. Lembrando a celebración nesta cidade en novembro do 1918 da Asemblea Nazonalista de Lugo levaron por “100 anos do nacionalismo galego” lembrando.
“Desde Galiza Nova consideramos fundamental que a mocidade nacionalista teña as chaves necesarias para poder analizar os diferentes contextos políticos aos que nos enfrontamos no noso dia a dia. É por iso que desde hai 20 anos organizamos estas xornadas, das que neste 2019 saímos com máis capacidade de análise e actuación política” Sinalou Alberte Fernández, Secretario Xeral de Galiza Nova.
As XX Xornadas de Historia da Galiza deron comezo coa benvida por parte de Alexandre Espiño, Responsábel Comarcal de Galiza Nova Lugo e por Olalla Rodil, deputada no Parlamento Galego polo BNG e integrante da Dirección Nacional de Galiza Nova.
Un dos principais obxectivos fixados pola XV Asemblea Nacional de Galiza Nova foi redobrar a aposta póla formación teórica e práctica da militancia. Neste senso, nestas xornadas tratouse a vixencia do pensamento nacionalista e as súas análises ao longo do tempo e das circunstancias do noso país.
Ademais desenvolvéronse palestras e debates sobre a evolución organizativa do nacionalismo galego, sobre a historia e momento actual do feminismo en Galiza, así como talleres de comunicación e práctica política. Ademais tamén se organizou unha visita guiada á Casa Museo Manuel María na veciña localidade de Outeiro de Rei.
