- Advertisement -
O médico substituto da residencia de maiores de Castro Ribeiras de Lea, situada en Castro de Rei, comezará a traballar “nos próximos días”. Así o confirmou a consellería de Política Social, consultada por Europa Press, despois de quea CIG denunciase este martes que o centro de maiores levaba sen médico “desde o mes de novembro“.
Segundo ratificou Política Social, o médico deste centro “atopábase de baixa“, polo que, “desde o primeiro momento, a dirección púxose a buscar un profesional substituto, que comezará a traballar nos próximos días”. “Hai que destacar que en todo momento cumpriuse coa normativa e sempre se garantiu a asistencia médica”, engaden as mesmas fontes.
