Os senadores do PP lucense José Manuel Barreiro, José Manuel Balseiro e Juan Serrano reivindicaron “menos impostos e máis apoio para quen traballa” ante unha “caída xeneralizada” no número de autónomos na provincia. Nun ano, rexistráronse 353 baixas, practicamente una ao día, segundo o partido.
Os datos e medidas recollidos no Plan Integral dos Autónomos do partido foron presentados a representantes da Confederación de Empresarios de Lugo durante unha reunión este venres. Así mesmo, os senadores trasladaron “unha iniciativa específica” para reclamar desde o Senado ao “Goberno de (Pedro) Sánchez” medidas de apoio aos autónomos lucenses coas que “corrixir a tendencia á perda de autoempleados na provincia.
Neste encontro de traballo, segundo trasladou o PP, participou o secretario xeral da CEL, Jaime López, o conselleiro delegado, Eduardo Valín, o secretario xeral de ATA Galicia, Álvaro Viqueira, e membros do colectivo que representan a distintos sectores económicos da provincia. Así as cousas, os populares tamén engadiron que recolleron as “necesidades e demandas” dos traballadores autónomosdetectadas pola Confederación de Empresarios de Galicia (CEG). Con relación ao plan anunciado, os senadores tamén reclamaron máis facilidades para emprender, máis protección e apoio, e “máis dereitos e confianza do Estado no autónomo”.
