O presidente da Deputación de Lugo, José Tomei Roca, e o alcalde de Cervantes, Benigno Gómez Tadín, abriron este domingo ao público o castelo de Doiras nun acto que tivo lugar no patio interior da construción.
A fortaleza, que esta situada na parroquia de Vilarello e foi declarada Ben de Interese Cultural (BIC) en 1.994, foi comprada polo Concello cunha achega de 900.000 euros da institución provincial.
“A apertura ao público do castelo de Doiras non é só a posta en valor dun monumento singular, é un acto de xustiza coa nosa historia, coa nosa identidade e co noso futuro”, apuntou o presidente provincial.
José Tomei sinalou que o patrimonio “non pode ser visto” como un recordo estático do pasado, senón como “un recurso vivo”, capaz de xerar oportunidade e fortalecer o arraigamento. Con esta incorporación, Lugo suma oito castelos e fortalezas visitables.
