Tres dotacións dos bombeiros desprazáronse esta mañá á rúa Transportes do polígono industrial do Ceao, en Lugo, para sufocar un incendio nunha das naves de Cafés Candelas. Afortunadamente, todo quedou nun susto ao non ter que lamentar persoas feridas.

O incendio produciuse sobre as 10.30 da mañá e deixaba ver unha columna de fume que alertou ás naves veciñas. Os bombeiros acudiron ao lugar e, tras unha intervención de media hora, o incendio quedou sufocado. Aínda que non houbo afectados, ao ao lugar desprazouse un servizo de ambulancias por se fixese falta. Ademais, a rúa permaneceu cortada ata as 11.45 da mañá por parte da Policía Local mentres se realizou a actuación dos bombeiros e as comprobacións posteriores.