O secretario xeral do PSdeG na provincia de Lugo, José Tomé Roca, xunto ao senador César Mogo e a deputada Patricia Otero uníronse para pór en valor a acción de goberno do Partido Socialista en Lugo. Destacan un impulso “histórico” especialmente en ámbitos como o das infraestruturas e o social, con investimentos en máis de 2.300 millóns de euros.
Durante unha comparecencia na sede do partido na capital luguesa, Tomé subliñou que o traballo do Goberno socialista tradúcese “nun compromiso coa mellora das condicións de vida de veciños e veciñas“, pero ese labor serviu tamén para “colocar a Lugo no mapa das infraestruturas”, co desenvolvemento de actuacións “crave” para o futuro da provincia.
Seguindo a liña do resto de delegacións provinciais, o tres puxeron en valor as actuacións en materia económica, como o incremento das pensións, “fronte a un PP que as conxelou”, que beneficiaron a 112.000 lucenses, xunto a outros 10.000 que recibiron o ingreso mínimo vital. Ademais, explicaron que 2024 pechouse cunha afiliación á Seguridade Social en Lugo de máis de 125.000 ocupados, “3.000 máis que en decembro do 2018”. En canto aos contratos indefinidos, creceron preto dun 150% no mesmo período.
“O Goberno investiu máis de 2.300 millóns de euro na provincia”, di o PSOE de Lugo
Pon en valor a subida das pensións e destaca o desbloqueo de obras como a intermodal ou a autovía que une a cidade con Santiago
PUBLICADA O
- Advertisement -
