InicioSucesosSuspendido en Lugo o xuízo contra unha muller por simular o seu...

Suspendido en Lugo o xuízo contra unha muller por simular o seu propio secuestro e pedir diñeiro ao seu pai polo rescate

Tanto a principal procesada como o tres supostos secuestradores enfróntanse a unha pena de dous anos e medio de cárcere por extorsión

PUBLICADA O

- Advertisement -

A vista contra unha muller acusada de participar, xunto a outro tres individuos, na simulación do seu propio secuestro e de solicitar ao seu pai o pago dunha cantidade económica pola súa liberación, foi suspendido este xoves no Xulgado do Penal número 1 de Lugo pola incomparecencia da procesada, que se atopaba de baixa.

Os feitos que son obxecto de acusación, e que serán xulgados nunha vista que deberá ser novamente sinalada, tiveron lugar –recolle o escrito da Fiscalía– no mes de maio de 2020 cando a principal imputada, veciña do municipio de Sarria, efectuou unha chamada telefónica ao seu pai manifestándolle que fora secuestrada na localidade de Ponferrada (León).

Foi nese momento, e tras porse previamente de acordo cos outros tres acusados, prosegue o Ministerio Fiscal no seu relato, cando a muller explicou ao seu proxenitor, “finxindo gran aflición”, que os supostos secuestradores tapáranlle a cara e metérona nun coche esixíndolle o pago de 7.000 euros “para non acabar coa súa vida“.

Esa mesma madrugada, os acusados volveron chamar á vítima desde o teléfono da súa filla indicándolle a conta bancaria en que debía realizar o ingreso do diñeiro do rescate, algo ao que o home accedeu procedendo a realizar unha transacción de 200 euros.Ao día seguinte, axentes da Garda Civil localizaron á muller que alertara do seu secuestro camiñando por unha céntrica rúa de Lugo en compañía dun dos seus presuntos secuestradores.

PETICIÓN DE CONDENA

Os citados feitos son constitutivos, entende o Ministerio Público, dun delito de extorsión polo que solicita unha pena de prisión de dous anos e medio de cárcere para cada un dso catro imputados.Tamén demanda a Fiscalía o pago por parte dos procesados, de maneira conxunta e solidaria, dunha indemnización de 200 euros en favor da vítima en concepto de responsabilidade civil. 

O xuízo, suspendido con carácter previo pola incomparecencia da acusada, será reprogramado e o Xulgado do Penal número 1 de Lugo dirimirá a responsabilidade no caso do catro persoas procesadas.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...