InicioSociedadeA Deputación de Lugo prepara as obras do Parque de Galicia, en...

A Deputación de Lugo prepara as obras do Parque de Galicia, en Antas de Ulla

PUBLICADA O

- Advertisement -

As obras do Parque Central de Galicia, que se sitúan no centro xeográfico de Galicia, darán comezo nas próximas semanas, como anunciou este xoves o presidente da Deputación de Lugo, José Tomei Roca, durante unha visita aos terreos nos que a institución provincial investiu 1,3 millóns de euros.

O mandatario provincial, xunto á alcaldesa de Antas e deputada de Promoción do Territorio e Turismo, Pilar García Porto, visitou este xoves os terreos tras asinar o contrato con UTE Ovisa-Provisa, a empresa adxudicataria. Tomei Roca asegurou que despois de adxudicar e asinar o contrato e a licenza municipal agora están “en condicións” para empezar a traballar neste espazo público en Nugallás, que conta cunha superficie de 20.000 m2.

Tamén destacou que esta obra, cuxo prazo de execución reduciuse a cinco meses, ten por obxectivo “pór en valor” o Centro Xeográfico galego para “convertelo” nun polo turístico, así como en exercer de “revulsivo económico e social”, tanto para Antas de Ulla e a comarca de Ulloa, como para o resto da provincia de Lugo. Segundo declarou presidente provincial, trátase dun día “moi satisfactorio” porque “por fin” deron o último paso dun proxecto que a deputación empezou fai catro ano. Nesta liña, tamén quixo denunciar as “pedras no camiño” e “peripecias” para “chegar” a este momento.

ESPAZO DE LECER NO CENTRO DE GALICIA

O proxecto do Parque de Galicia incluirá un pórtico de entrada, unha praza, un parque infantil ou varias fontes. Tamén contará cun edificio multiusos e un monólito situado nas coordenadas que indican a “posición exacta” do centro da comunidade galega. Ademais, crearase un espazo de lecer para familias, excursións escolares ou para o desarollo de actividades ao aire libre. A deputación xa empezou a acondicionar estes espazos e a construír un aparcadoiro.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...