InicioEconomíaA planta de transferencia de residuos de Riotorto comezará a funcionar este...

A planta de transferencia de residuos de Riotorto comezará a funcionar este luns

Substitúe á antiga microplanta localizada no mesmo concello

PUBLICADA O

- Advertisement -

A nova planta de transferencia de residuos de Riotorto, construída pola Xunta de Galicia cun investimento de máis de 2 millóns de euros, entrará en funcionamento este luns, 1 de xullo.

Así o anunciou a conselleira de Medio Ambiente e Cambio Climático, Ángeles Vázquez, quen se achegou ata o municipio lucense para coñecer as instalacións, cunha capacidade de tratamento de 7.500 toneladas de refugallos urbanos ao ano.

As novas instalacións darán servizo desde o primeiro momento aos concellos de Abadín, A Pastoriza, A Pontenova, Meira e Trabada, ademais de Riotorto, que suman unha poboación de máis de 15.500 habitantes.

A conselleira subliña que só queda por entrar en funcionamento a planta de Vigo — que está a ser remodelada para poder acoller biorresiduos urbanos– das 17 infraestruturas que conforman a rede galega para a valorización de materia orgánica.

Esta infraestrutura substitúe á antiga microplanta localizada tamén en Riotorto, con capacidade para tratar tan só os residuos procedentes do colector xenérico.

As novas instalacións están preparadas para transvasar o tres fraccións que recibe a Sociedade Galega de Medio Ambiente (Sogama): “Envases de plástico, latas e bricks (bolsa amarela); fracción resto (bolsa negra) e materia orgánica (bolsa marrón)”. Despois transfírese á planta de compostaxe de Cervo.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...