InicioLugo e contornaLugoO ministro de Transportes virá para supervisar o avance das obras da...

O ministro de Transportes virá para supervisar o avance das obras da estación intermodal

Visitará este venres en cidade, a partir das 10,00 horas

PUBLICADA O

- Advertisement -

O Ministro de Transportes e Mobilidade Sustentable, Óscar Puente, visitará este venres en Lugo, a partir das 10,00 horas, a estación intermodal da cidade para supervisar o avance das obras. Farao acompañado da alcaldesa de Lugo, a tamén socialista Paula Alvarellos, quen lle trasladou persoalmente a súa invitación a coñecer o desenvolvemento das actuacións.

Foi no transcurso de varios encontros previos mantidos entre o titular da carteira de Transportes e a rexedora lucense, que ambos acordaron a visita do ministro para ver de maneira presencial a evolución da infraestrutura, clave para as conexións ferroviarias da capital provincial e en curso desde o mes de marzo.

As actuacións enmárcanse dentro do plan de modernización do corredor ferroviario Ourense-Monforte-Lugo para a conexión da capital lucense a través da alta velocidade.

As obras da nova terminal de tren, adxudicadas á empresa construtora San José por 22,3 millóns de euros, xa están en marcha e prolongaranse previsiblemente ata o verán do ano próximo. A actuación completarase coa construción da nova estación de autobuses e o aparcadoiro subterráneo, unha obra que será financiada pola Xunta de Galicia.

ÚLTIMAS

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...