- Advertisement -
Varios colectores arderon na madrugada deste mércores na Estrada da Granxa, na cidade de Lugo, segundo informa a Policía Local. Sobre as 3,00 horas da madrugada deste mércores, o 112 recibiu o aviso deste incendio, con risco para vehículos estacionados nas inmediacións.
Axentes da Policía Local tentaron controlar o lume con extintores da súa dotación e outros facilitados por unha comunidade de veciños próxima. Posteriormente, o servizo de extinción sufocou o lume por completo. Foi necesario cortar o tráfico a vehículos e peóns.
Entre outros servizos nos últimos días, a Policía Local interceptou a dous condutores que deron positivo en alcol e circulaban de forma irregular.
